على كثر الجروح اللي بقلبي وخافقي مشتاق ..

عدد الرسائل : 23 تاريخ التسجيل : 27/01/2009

بسم الله الرحمن الرحيم

على كثر الجروح اللي بقلبي وخافقـي مشتـاق
ضواني ليلـي وقلبـي تحـزّم ثـورة أشواقـه

صرخت بداخلي صرخه تلوذ الـروح بالأعمـاق
تموت الصرخة بجوفي وهـو غايـب بأعماقـه

تجول بخاطري كلمه تبـاري دمعـة الأحـداق
تغارق صوتي بدمعي بوقت(ن) جفّـت أحداقـه

جرحت الحب بغيابك طعنت الروح دون إرفـاق
سلبت شفاهي البسمة خذلت الرمـش برفاقـه

توقعتك تجي تسقي عروقـي بالهـوى تريـاق
عروق(ن) في حنايا صدر بيـن يديـك ترياقـه

توقعتك تجي تغـرق حياتـي بالهـوى إغـراق
توقعتك تجـي تمسـح دمـوع عيـون غراقـه

توقعتك تجـي تطفـي لهيـبٍ بالحشـا حـراق
تزايد نـاره فـبعـدك يزيـد الجمـر بإحراقـه

توقعتك تجـي نقضـي بقايـا عمرنـا بعنـاق
تجيني أرتمـي بحضنـك بليـل يزيـن بعناقـه

توقعت الغـلا يسـري بدمـك دايمـا" ينسـاق
وتوقعت الوله في داخلك واقـف علـى ساقـه

توقعت الهوى في سلمكـم ذوق وأدب وأخـلاق
ويبقى الشوق بأرض الحب ويبقى الحب بأخلاقه

توقعت الوفـا منّـك مثـل نهـرٍ علـي دفـاق
توقعتك تجـي بإخـلاص مـع أشـواق دفاقـه

توقعتك تجـي بيـدك قصيـدة حـب للعشـاق
حسافه ياهوى قلبي : خذلـت عيـون مشتاقـه

حسافة ياهوى بالي نقضـت العهـد والميثـاق
حسافه ينهدم هالحـب رغـم عهـده وميثاقـه

بنيت من الوهم دنيا ألين أصبح فضاي إشـراق
وقفت أسترجع الذكرى بليالي كانـت إشراقـه

بكيت من الصدود اللي سكن فيك وبقـى خفـاق
رفـع رايـات مكسـوره دفـن أرواح خفاقـه

تعبت أبقى بليد(ن) فهم اخـط النـزف بـالأوراق
تعبت أشكي تعبت أبكي بدمع(ن)بلـل أوراقـه

تعبت أبقى أسير(ن)وقت تعبت أطلب رضا بإشفاق
تعبت اطلب رضا قلبـك ونفسـي دوم شفاقـه

حزن مدري\حزن مدري\حزن مدري\حزن سبّاق
حزن يقضي على روح وليالي الجـرح سباقـه

وعلى كثر الجروح اللي بقلبي وخاطرك بفـراق
ضوانـي ليلـي وقلبـك توّلـم يعلـن فراقـه

غفيت وهالحزن صاحي صحيت وهالحزن بـراق
تخيل حزني الطاغي سحايـب دمـع براقـه

وسلامتكمـ

الله يسلمج..

و تقبلي مروري..

مشكووره على الطرح الغاوي

وتقبلي مروري

يااااي الكلماات ناايس..

يسلموو حبوبه ع الطرح

ربي يعطيج العافيه....تقبلي مروري.. flower

» المدرسة المسكونه اللي يخاف لا يدخل !!!