لو كتبت المحبه جف حبر الغرام
واعلن الياس ياسه وانحنا للقصيد
الخيال استعده بين عد وهيام
وانتقيها المعاني واترك اللي زهيد
ماغشى ليل وجدي في نهاري ظلام
استنير الجوارح والمشاعر تزيد
كم حرف غزيتها لجل حلو اللاثام
اكتبه لجل عينه واجبره لو عنيد
باهي الحسن خده مثل برق الغمام
كاسي الليل متنه احوري فريد
منفرد في وصوفه مثل بدر التمام
تعشق العين شوفه من قريب و بعيد
لي نظرة لعيونه شفت لحظ الحسام
ولي نظرني بعينه شاف حبه يقيد
ماغضى وسط قلبي غير حبه ونام
ولا ملك عرش قلبي غير حبه اكيد
لو كتبت المحبه جف حبر الغرام
واعلن الياس ياسه وانحنا للقصيد
موضوع: لو كتبت المحبه جف حبر الغرام 
الخميس يناير 29, 2009 11:03 am
